Nagapangagda ang alkalde sang Cadiz City sa mga pumuluyo nga saksihan ang taltal nga patigayunon sa Cadiz Arena bwas nga adlaw.
Sa interview sang Bombo Radyo kay Mayor Salvador Escalante, ang tatlo ang madugay na nga tradisyon sang Cadiz City humalin pa sang 1960s.
Suno kay Escalante, kada tuig, nagapatigayon gid sila sang taltal kun Semana Santa apang bangud sa COVID-19 pandemic, ini ang nauntat sang tatlo ka tuig.
Sini nga tuig, mas mangin meaningful ang Semana Santa suno sa iya bangud makit-an sa pag-antos ni Ginoong Hesu Kristo ang pag-antos man sang mga pumuluyo bangud sa pandemic.
Suno sa iya, gamay lamang ang pag-antos sang katawhan kun ikumparar sa pag-antos nga gin-agyan sang Ginoo sa krus.
Suno pa diri, dapat nga pasalamatan gid sang tagsa-tagsa nga kita ang buhi pa.
Suno sa alkalde, ang mga Cadiznon ang tuman ka relihiyoso bangud sa ila patron nga si Santo Niño gani sila ang nag-alokar sang budget para sa taltal.
Pahayag ni Escalante nga halin pa sang una, ginadala na ini sang iya nga amay sa simbahan gani gina-engganyo man sini ang mga ginikanan nga dal-on ang ila mga kabataan sa paglantaw sang taltal bwas nga adlaw kag i-eksplekar sa ila ang ginhimo ang Diyos para sa kaluwasan sang mga katawhan.
