Nagapanawagan ang alkalde sang banwa sang Cauayan sa mga rebelde nga magbalik na sa sabak sang gobyerno kasunod sang nagluntad nga serye sang engkwentro sa nasambit nga lugar.
Sa interview sang Bombo Radyo Bacolod kay Mayor John Rey Tabujara, alkalde sang banwa sang Cauayan, iya ginpahayag nga wala man gihapon sang pagbag-o sa ginapakigbato sang mga rebelde kag madamo na sang ginbawian sang kabuhi bangud sini.
Naga-apelar ini sa mga rebelde nga magbalik na sa sabak sang gobyerno bangud madamo sang nagahulat nga programa para sa ila.
Suno sa alkalde, ang ila pagbalik sa komunidad ang dako gid nga bulig para sa katawhayan kag seguridad sang mga pumuluyo.
Samtang, ginpangabay man ni Mayor Tabujara sa mga residente nga magpabilin nga alerto kag maghulat lamang sang opisyal nga abiso humalin sa Lokal nga panguluhan.
