Nagpanawagan man ang alkalde sang ciudad sang Bacolod nga batunon kag suportahan ang insakto nga pamatasan bilang kabahin sang Be The Change Program sang ciudad.
Ini ang kasunod sang insidente sang pagbody shame sang konduktor sang modernized jeep nga si Richard Amor sa 19 anyos nga si Lanimae Joy Libo-on Mag-aro.
Kahapon ginpatawag ni Bacolod City Mayor Alfredo Albee Benitez ang tag-iya sang RSJ Lines, kag suno sa tag-iya antes ginapabyahe ang ila mga drivers kag konduktor, sila ginapaidalum sa orientation kun ano ang insakto nga pag-conduct sang ila kaugalingon sa pag-atubang sa mga costumers.
Suno kay Benitez, luyag sini nga ipalab-ot ang programa sang ciudad nga Be the Change Program sa pagbag-o sa pamatasan kag kultura sang pumuluyo sang ciudad.
Dugang pa niya, dapat gid nga maghalong sa ginahambal nga kun suno sa kundoktor lahog-lahog lamang kun tani ang iya ginhambal nga doble ang plete ni Mag-aro bangod nga dako ini apang masakit man ini para sa tawo nga ginhambalan.
Nahibaulan nga Miyerkules sang gab-i gilayon nga ginpatawag ang konduktor bangod nga nakasakay sa liwat sa isa ka modernized jeepney si Mag-aro kag ini nagahilibion kag didto nahibaluan kun ano ang natabo amo nga ginpadangat ini sang gilayon sa opisina sang RSJ Lines.
Ginpatawag si Richard Amor kag ini ginsuspende sa iya trabaho sa sulod sang isa ka semana.
