Nagpanindugan ang akalde sang ciudad sang Silay nga nag-agi sa husto nga proseso ang bidding sa pagpatukod sang bag-o nga Silay City Hall sa balor nga P500 million.
Madumduman nga P1.4 billion ang gin-loan sang ciudad para sa nagkalain-lain nga mga proyekto, lakip na ang pagpa-renovate sang Silay City Market, pagpatukod sang Silay City College kag Sports Complex.
Ginkuha sa P1.4 billion ang budget nga P500 million para sa pagconstruct sang bag-o nga city hall.
May yara sang nagkwestyon kun nag-agi sa husto nga proseso ang bidding bangod nga makapila nga beses ini nga gin-rebid.
May yara man sang naghambal nga may ginapaburan nga contractor para diri.
Suno kay Silay City Mayor Joedith Gallego, wala sang iregularidad sa pag-award sang kontrata kag ginsunod ang husto nga proseso sa bidding.
Dugang pa sang alkalde, wala sang problema kun may yara sang luyag nga mag-file sang complaint.
Samtang, nahibaluan man nga sa previous administration ginpropose ang P1 billion nga budget para sa bag-o nga city hall apang sa administrasyon ni Gallego ini ang ginpanubo sa P500 million.
