Nagapanawagan ang alkalde sang La Castellana, Negros Occidental nga mas padasigon kuntani ang pag-aprubar sang ginrequest sini nga dugang nga financial assistance para sa mga pumuluyo sang La Castellana nga apektado sang paglupok sang Bulkan Kanlaon.
Suno kay La Castellana Mayor Rhummyla Nicor-Mangilimutan may yara ini sang ginrequest nga P47 million agud ireplenish sa savings sang banwa sang nakaligad nga tuig apang tubtob sa karun wala pa sang update.
Suno kay Mangilimutan dapat padasigon man ang approval sang requests bangud nagaaso naman liwat ang Bulkan Kanlaon wala sagihapon sang balita.
Suno diri madamo sang kinahanglan nga gamitan sang pondo kaangay sang kuryente, educational assistance, burial assistance kag ang water rationing sang mainum nga tubig bangud ang water source sang banwa ang yara sa tiilan sang bulkan gani baho sang asupre kag indi maluyag sang alkalde nga icompromise ang ikaayong lawas sang mga residente.
Magluwas sa P147 million, nagpadala man sang request si Mangilimutan para sa P167 million nga gamiton sa pagpatukod sang resettlement area sang mga nagapuyo sa 4-kilometer radius permanent danger zone.
