Nagpanawagan ang alkalde sang San Carlos City, Negros Occidental sa mga nagapamatok sa igatukod nga 300-megawatt liquified natural gas (LNG) combined cycle power plant sa ciudad nga indi mangin selfish bangud ini ang fossil fuel.
Madumduman nga ginhingyo ni Bishop Gerardo Alminaza sang Diocese of San Carlos kaupod ang nagkalain-lain nga mga environmental groups sa probinsya ang Sangguniang Panlalawigan nga irevoke ang resolution of non-objection (RONO) sa ginapropose nga power plant.
Suno kay Mayor Renato Gustilo, sa bahin sang local government unit, bangud ang LNG ang isa sa mga ginapahanugutan sang national government nga mangin source of energy, indi ini magpamatok.
Suno sa iya, kuntani indi mangin selfish ang mga nagaprotesta batok sa LGU bangud sila mismo ang nagagamit man sang kuryente nga nagikan sa coal power plant.
Suno diri, antes nila birahon ang ipatukod nga power plant sa San Carlos, ila anay ipauntat ang tag tatlo ka mga power plant sa Cebu kag Panay.
Kun indi nila ini mapauntat suno sa alkalde, dapat nila nga buhinan ang consumption sang ila kuryente kag indi man maggamit sang mga salakyan.
Nahibaluan nga magasugod na ang first phase sang LNG combined cycle power plant, nga nagabalor P18.5 billion, sa third quarter sini nga tuig kag ginalauman nga mangin fully operation sa tuig 2024.
