Aminado ang alkalde sang banwa sang San Enrique diri sa Negros Occidental nga kinahanglan sang mga nagaproduce sang asin sang ayuda nagikan sa gobyerno agud nga magsanyog ang ila nga produksyon.
Nahibaluan nga may nagaproduce sang asin sa banwa sang San Enrique apang indi madamo.
Suno kay Mayor Jilson Tubillara, maayo ang produksyon sang asin makaisa ka bes sa apat ka tuig bangud tatlo ka tuig nga laban ang ulan kag isa lang ka tuig nga laban ang init.
Suno kay Tubillara, nagaproduce man ang San Enrique sang ginatos ka sako sang asin.
Suno diri, nagadako lang ang produksyon sang asin kun mainit kun sa diin may pila ka salt producers nga nagaharvest sang duha ka beses sa sulod sang isa ka adlaw, depende sa concentration sang plastic.
Sa isa ka paldo sang plastic nga 1 meter ang lapad by 25 meters ang laba, isa man ka sako sang asin ang maproduce sini.
Ang asinan suno sa iya ang ginatunga sa buladan sang tubig-alat kag sa asinan mismo.
Suno sa alkalde, magluwas sa local consumption, ginagamit man ang lubi sa pag-abono sa lubi bangud mas dako kag mas matam-is ang bunga sini.
Suno kay Tubillara, mas makabulig kun idirekta mismo sang Bureau of Fisheries and Aquatic Resources ang bulig sa mga nagahimo sang asin agud madasig ang pag-abot sang bulig sa ila kag indi maulihi sa season sang paghimo sang asin.
Sa karon suno sa iya, importante ang buyer sang asin agud magpadayon ang nasambit nga negosyo bangud indi na mangin problema kun sin-o ang mabakal.
