Ginpreparar na sang alkalde sa ciudad sang Talisay, Negros Occidental ang sulat para sa house speaker agud nga magpangayo sang bulig para sa mga biktima sang sunog sa Purok Pasil, Brgy Zone 5, Talisay City, Negros Occidental kahapon.
Santo sa inisyal nga report sang Talisay City Police Station nagdangat sa 50 ka mga balay ang totally damage samtang apat naman ang partially damage sa nagluntad nga sunog.
Sa interview sang Bombo Radyo Bacolod kay Talisay City Mayor Neil Lizares, una na sini ginpa-assess kun pila gid ang nahalitan sang sunog agud nga mahatagan sang Local Government Unit sang assistance.
Suno kay Lizares, agud nga indi na malayo sa mga pumuluyo ang evacuation center nadesisyunan nalang nga didto nalang ang mga ini magatinir sa covered court sang Barangay Zone 5.
Magluwas sa Talisay City Social Welfare and Development Office, ang Angel Wings Foundation sa pagpamuno ni Atty Rowena Lopez-Lizares ang naghatag man sang bulig sa mga fire victims.
Suno kay Lizares, bangud may meeting ini subong nga adlaw kay House Speaker Martin Romualdez, naghanda ini sang sulat para diri agud nga makapangayo sang assistance nga mahimo makabulig sa mga nasunugan.
