Alkalde sang Victorias City, magapirma sang kasugtanan sa pagbatun sang evacuees gikan sa La Carlota City inkaso magsaka sa Alert Level 4 ang Bulkan Kanlaon

Natalana nga magapirmahanay sang memorandum of agreement ang ciudad sang La Carlota kag ciudad sang Victorias, Negros Occidental agud nga mag-adoptar sang evacuees sa tion nga magsaka sa Alert Level 4 ang bulkan Kanlaon.

Suno kay Victorias City Mayor Javi Benitez, magapirma palang sila ni La Carlota City Mayor Rex Jalando-on sang Memorandum of Agreement sa pagadoptar sang evacuees apang ang MOA ang half approved na sang mga ini internally.

Suno kay Benitez, nag-agree ang ciudad sang Victorias sa pag-adoptar sang 500 ka mga evacuees nagikan sa La Carlota.

Suno diri, ang mga evacuees ang igabutang man sa regional evacuation center sa ciudad sang Victorias.