Arestado ang rank number 7 sa Top Drug Priority Target list sang Talisay City Police Station sa buybust operation nga ginpatigayon sa Doctor Orosa Subd., Brgy Zone 12, Talisay City nagligad nga Martes.
Ginkilala ang suspetsado kay Reggie Abaring, 39-anyo, isa ka high-value individual kag residente sang amo nga barangay.
Sa interview sang Bombo Radyo Bacolod kay P/Major Jigger Gimeno, ginpahayag sini nga masobra isa ka bulan ang ila nga pag-surveilance sa aktibidad sang suspetsado antes ginpatigayon ang operasyon.
Natigayon nga nakuha sa possesion kag kontrol sini ang 13 tanan ka sachet sang suspected shabu lakip na ang buybust item.
Ginabanta nga nagabug-at ini sang 3 grams kag nagabalor sang P20,400.
Priso karon si Abaring sa Talisay City Police Station kag natalana nga pasakaan sang kaso sa pagbayolar sang RA 9165 ukon Comprehensive Dangerous Drugs Act of 2002.
