Luyag sang Alliance of Concerned Consumer in Electricity and Social Services (ACCESS) nga makahuman sang Memorandum of Agreement (MOA) sa Negros Electric and Power Corporation (NEPC).
Sa interview sang Bombo Radyo Bacolod kay Power Watch Negros convenor Wennie Sancho, gintipon nila ang multi-sectoral kag consumer groups agud matukod ang ACCESS, kun sa diin ang ila mga aktibidad ang indi lamang limitado sa kuryente.
Sa presentasyon sa Oktobre 15, ila nga irekomendar sa Negros Power ang kolaborasyon kun sa diin ang ACCESS ang magaserbe nga coordination kag consultation body nga magapatunga sa Power Distribution Utility kag mga Power Consumer.
Sarang man sila nga makabulig sa Negros Power sa information dissemination agud mapalab-ot sa masobra 40 mil nga member-consumers ang mga aktibidad.
Plano man nila nga magtukod sang Consumer Action Team nga magamonitor sang illegal connections agud mapanubo ang systems loss kag maconvert nga mangin legal nga konsumedor.
Pinaagi sini, mas mapahapos ang pagpakig-angot sang mga member-consumers sa Negros Power.
Paathag sini nga sila ang magakoordinar sa Negros Power sa baylo nga ini ang permi na lamang mulayon.
Ini bangod nakita man nila nga nagahulag ang Negros Power indi kaangay sadto sa Central Negros Electric Cooperative (CENECO) nga maathag nga nagapabaya.
