Ginkasubo ni Alliance of Concerned Teachers (ACT) Partylist Representative France Castro ang pagbuhin sang P12 billion sa budget sang Department of Education para sa masunod nga tuig.
Sa interview sang Bombo Radyo kay Castro, kulang na ang budget sang DepEd apang ginbuhinan pa gid ini.
Suno diri, ang budget ang gamiton kun tani para sa pagprocure sang mga gadgets kaangay sang computers para sa public schools.
Suno pa diri, iya man ginakabalaka kun ngaa ginbuhinan sa bicameral conference committee ang budget nga kun lantawon sini indi na normal nga himuon sang komitiba.
Ginkwestyon man ni Castro kun ngaa ginbuhinan man ang budget sang Department of Social Welfare and Development apang mas dako ang budget sang Department of Public Works and Highways (DPWH) nga bisan ang flood control program sini ang indi makit-an.
Sa karun, nagalaum si Castro nga i-veto ni President Ferdinand Marcos Jr. ang budget sang DepEd kun maglab-ot na sa opisina sini ang proposed 2025 national budget.
