Ginkwestyon sang chairman sang Alliance of Concerned Teachers- Western Visayas, ang P150 million nga budget nga ginapangayo ni Vice President kag DepEd Secretary Sara Duterte para sa confidential and intelligence funds sang ahensya.
Sa interview sang Bombo Radyo kay Maximo Montero, ginkasubo sini nga madamo sang problema sa pungsod apang ang ginhatagan sang atensyon sang gobyerno amo ang pagpangayo sang pondo nga P150 million confidential and intelligence fund.
Suno diri, madamo sang kakulangan sa manunudlo, calssrooms, kag learning materials.
Ginlaragway man sini nga bangod sa madamo nga kakulangan sa mga buluthuan ang manunudlo daw kaangay nga ginahimo nga mga nagapanglimos paagi sa Brigada eskwela agud makabagton sang bulig para sa buluthuan.
Pamangkot ni Montero, para sa diin gamiton ang P150 million sang ahensya.
Gindumdum man sini nga sadtong termino ni Former Vice President Jejomar Binay, P9 million ang pondo kag sa termino naman ni Former Vice President Leni Robredo wala gid sang amo nga pondo nga ginpangayo apang kay Duterte, ang P150 million nga pondo nga gamiton sa pagtutok sa anti-insurgency campaign ang wala man nagakaangay sa pag-eskwela kag ahensya sang DEPED.
Para kay Montero, ang rason sini kay bangod nga indi subject para sa madalom nga audit ang confidential and intelligence fund, ini daw kaangay nga legal nga korapsyon sang gobyerno nga suno sa Commission on Audit 20 percent sang pondo ang nagakadto sa korapsyon.
