Gintukod ang Alliance of Consumers in Northern Negros (ACNN) agud maprotektahan ang kinamatarong sang mga konsumder sang kuryente sa idalom sang Northern Negros Electric Cooperative (NONECO).
Sa interview sang Bombo Radyo Bacolod kay Wennie Sancho, isa sa coordinators sang Consumers Union, ang alyansa ang gintukod sang Sabado, Pebrero 14 matapos sang ila nga forum.
Ini ang katumbas sang Alliance of Concerned Consumers in Electricity and Social Services (ACCESS) sa Central Negros Electric Cooperative (CENECO) kag Negros Power.
Suno kay Sancho, ang grupo ang ginapamunuan ni Pastor Efraim Tapang sang Victorias Evangelical Church.
Bangod malapad ang sakop sang NONECO, nagbutang sang tatlo ka coordinators, kag nalakip diri si Sancho.
Isa sa purpose sa pagtukod ang bilang preparasyon sa ginapaabot nga power shortage santo sa anunsyo sang Negros Grid Corporation of the Philippines (NGCP) kag Energy Regulatory Commission (ERC), ammendment sang epira law kag magna carta for household electricity consumers; kasubong man ang ginapropose nga Joint Venture Agreement sa tunga sang NONECO kag Negros Power.
Ang nagapanguna nga purpose sa JVA amo ang marehabilitate ang mga tuman na ka daan nga mga facilities kag equipments sa NONECO, agud makahatag sang effecient kag adequate nga power supply.
Suno kay Sancho, ila konsultasyon naatubang nila ang parehas nga mga reklamo sadto sa CENECO.
Sila sa ACNN ang magapatigayon sang mga Consumers Education Awareness Program (CEAP).
Pinaagi sini, mas mahangpan sang mga konsumedor ang mga isyu nga nagaapekto sa ila pagpangabuhi.
Nagapanguna nga rasun sa pagtikod sang union amo nga maprotektahan ang kinamatarong sang mga member consumers.
Suno kay Sancho, nakig-angot naman sa ila ang mga miyembro sang Negros Occidental Electric Cooperative (NOCECO) nga buligan man sila sa pagtukod sang union.
Apang pahayag sini nga unahon anay nila establishar ang sa NONECO, kun ini ang makatindog na, sila ang mahimo nga magcater man sang request sang NOCECO consumers.
