Aminado ang Presidente sang Alliance of Hog Raisers Association of Negros Occidental, nga apisar nagsaka na ang produksyon sang pork products sa probinsya, ang supply ang indi gihapon makalagas sa pagsaka sang demand.
Sa interview sang Bombo Radyo Bacolod kay Ric Lauron, tuman ang pagsaka sang demand partikular na sang Disyembre kun sa diin wala-tuo ang orders sang lechon.
Nagapadayun pa gihapon ang dako nga demand, kag nagapati ini nga magadangat pa sa Abril ang problema bangod madamo sang mga aktibidad.
Nagalaom si Lauron nga subong nga 2025, amat-amat na nga mabalik ang sadto bugal sang Negros Occidental bilang Number 1 producer sang backyard nga baboy.
Pahayag ni Lauron nga ginaprayoridad nila ang local consumption sangsa ginabaligya sa gwa sang probinsya.
Kadungan sa pagtaas sang demand kag pagkasambot sang supply, ang malauman na nga pagsaka sa presyo sang baboy.
Bilang tagapatunga sa consumer kag hog raisers, naga-apelar ang AHRANO nga indi paghingalitan kag pasobrahan ang pagpasaka sang market price sang baboy.
Panugyan sini sa mga hog raisers nga kun yara na sa ideal selling price ang baklanay sang baboy, indi na pagpasobrahan pa ang presyo agud indi matam-an ang pagsaka sang presyo sa merkado.
