Gin-anunsyar sang Defense Ministry sang Russia ang pagsugod sang Allied Resolve 2022 joint military exercises, nga pagahimuon sang Eastern Military District sang Russa kag Belarusian armed forces.
Suno sa statement sang defense ministry, ang joint ministry ang nagsugod sang Huwebes sa combined arms training grounds sa Belarus.
Ang nasambit nga drills ang nagmarka sang ikaduha nga stage sang exercises, nga nagatest sa response forces sang Union State of Russia kag Belarus.
Ang military exercises ang may tinutuyo nga i-counter ang terorismo kag protektahan ang interes sang Union State kag magatrain man ang mga forces agud untaton ukon palayuon ang external aggression suno sa ministry.
Magadugay tubtob Pebrero 20, ang drills ang patigayunon sa lima ka training grounds kag iban nga exercise areas sa Belarus.
Ang tropa ang magapractice sa pagpabakod sang proteksyon sang state border agud matapna ang penetration sang armed groups sang militants, pagblock sang channels para sa delivery sang mga armas kag bala kag pagguba sang illegal armed formations.
