Ginsurpresa ni Alwyn Uytingco sang museum visit ang iya asawa nga si Jennica Garcia agud iselebrar ang ila ika-12 nga annibersaryo.
Sa isa ka malawig nga Facebook post, gin-ako ni Uytingco nga ginplanuhan sini sang maayo ang ila anniversary date bangud nakahibalo ini nga makabig nga milagro nga sila ang nagdangat sa 12 ka tuig.
Suno sa iya, ini bangud dutayan lang kuntani ini matapos sang ika-11 nila nga tuig.
Suno kay Alwyn, luyag sini nga ipabatyag kay Garcia nga siya ang nagapasalamat nga ila mamarkahan ang isa ka milestone sa ila relasyon pinaagi sa surprise visit sa Pinto Art Museum.
Suno sa aktor, madugay na nga luyag ni Garcia nga makapadulong sa nasambit nga museum gani ginkuha sang couple ang kahigayunan paagi sa pagkuha sang madamo nga litrato samtang gina-apresyar ang art exhibit kag mga views sa museum.
Nagpabutyag man ini sang pagpasalamat sa asawa sa pagbaton sa iya apisar sang iya mga kakulangan bilang bana.
Si Uytingco, 34 kag Garcia, 31, ang ginkasal sang Pebrero 2014 kag may yara sang duha ka mga kabataan.
Sang tinalikdan nga Marso, nakaagom sang pagpanghangkat sa ila marriage life ang mag-asawa kag sila ang nagbulagay.
Sang Oktubre, ginpakigbahin ni Uytingco nga sila ang nagbalikanay matapos siya ang ginhatagan sang “second chance” sang asawa.
