Patay ang isa ka amay samtang pilason naman ang bata sini nga babayi matapos ginluthang sang wala pa makilal-an nga suspect sa Sitio Apog-apog, Barangay Codcod, San Carlos City, Negros Occidental alas-10:10 sang Dominggo sang gab-i.
Ginkilala ang amay nga si alyas “Dado”, 51-anyos, kasado, mangunguma samtang ang bata sini amo si alyas “Marie”, 30-anyos nga residente sa Sitio Kabataan, Barangay Rizal sa nasambit nga ciudad.
Sa inisyal nga impormasyon, samtang nakig-istorya ang mag-amay kaupod ang ila pamilya kag abyan sa sulod sang isa ka motor shop, hinali lang nga nagpalupok sang armas-luhang ang suspect.
Bangud sini, na-igo sang bala si Dado sa iya nawala nga bahin sang iya dughan nga nagresulta sang iya kamatayon.
Samtang, nakaagom naman sang igo sang bala sa nawala nga bahin sang iya tiil si Marie kag subong estable na ang kondisyon.
Padayon pa ang imbestigasyon kag hot pursuit operation sang kapulisan agud matumod kag maaresto ang suspect.
