Buhi ang mag-amay nga ginapangita ni Angelou Satoquia Legaspi nga natrap sa Buhangin River sa Hacienda Mercedes, Barangay Sag-ang, La Castellana sang Lunes.
Madumduman nga emosyonal nga nagdangop sa Bombo Radyo si Legaspi sang Huwebes agud ipanawagan ang bana sini nga si Bernie Dela Cruz, 38-anyos kag ang iya duha ka mga kabataan nga babaye nga naga edad pito ka tuig kag isa ka tuig bangud Lunes pa sang iya ang mga ini ulihi nga nacontact.
Martes sang siya ang ginpahibalo nga naanod ang ila balay kag natrap ang iya mag-amay sa Buhangin River.
Kaina gid lamang sang aga, ginkumpirmar ni Legaspi nga siya ang ginpahibalo sang ila kasimanwa nga ang iya mag-amay nga ginapangita ang natigayon nga narescue sang mga otoridad sang Martes.
Sa karun nagatinir si Bernie kag ang ila duha ka mga kabataan sa balay sang iya pakaisa.
Wala pa nakaistoryahanay ang mag-asawa bangud wala pa sang signal sa Barangay Sag-ang apang nahim-os na ang balatyagon ni Legaspi matapos mahibaluan nga luwas kag yara sa maayo nga kahimtangan ang iya mag-amay.
