Amay nakuhaan sang masobra P1M nga balor sang suspected shabu subong nga Father’s Day

Dakop ang 40 anyos nga amay sa drug buybust operation nga ginpatigayon sa Purok 1 Sisi Magsungay, Brgy. Singcang-Airport, Bacolod City, subong nga adlaw, Fathers’s Day.

Nadakpan kaina alas- 6:20 sang aga ang suspek nga si Michael Mercado, alias Toto, residente sang Purok Lampirong, Brgy. 2, Bacolod City.

Nakumpiskar kay Mercado ang kapin sa 170 ka gramo sang suspected shabu nga may standard drug price nga P1, 156, 000.

Siya ang magapangatubang sa kaso nga paglabag sa Section 5 kag 11 sang RA 9165 ukon Comprehensive Dangerous Drugs Act of 2002.