Nagapanawagan ang amay sang 20 anyos nga Senior High School student nga gintiro-patay sa Granada Heights, Barangay Granada, Bacolod City sang Hunyo 2 sa luyag nga magtambong sa lubong bwas, Hunyo 12 nga mahimo lamang sila magkadto sa Acropolis Garden sa Barangay Bata, Bacolod City.
Suno kay Eric Balagusa amay ni Nicus Balagusa, ang magatambong sa lubong ang mahimo magkadto kun sa diin ginahaya si Nicus bangud may yara sang patigayunon nga service alas 9:00 ang takna sa aga.
Ginabanta nga mga alas 10:30 ang takna sa aga matapos na ang service, maderecho na sila sa Greenhills Memorial Park kun sa diin idul-ong na sa ulihi nga palahuwayan si Nicus.
Sa mga indi naman makakadto sa Acropolis Garden, mahimo na sila makaderecho sa lugar kun sa diin ang ilubong si Nicus.
Nagapasalamat man ini sa tanan nga nag-upod kag nag-unong sa ila nga kalisod.
