Gin-ako mismo sang amay ang paghimulos sini sa iya 11 anyos nga bata nga sa karun nagabusong sang lima ka bulan, kag suno sa amay, iya ini ginhimo bangud siya ang nahidlaw lang.
Madugay naman nga bulagay ang mga ginikanan sang bata kag indi man sila kasado kun sa diin nabilin ini sa puder sang iya amay sa Talisay City humalin sang pito ka tuig pa lamang ini.
Sa interview sang Bombo Radyo sa amay, sa karun wala na sila nakakitaay sang iya bata matapos nga ini ang gin-aresto.
Suno diri, sang sila nagbulagay sang iya live-in partner, wala na ini nangita pa sang asawa kag nagbyahe na lang sang tricycle.
Samtang, ang iloy naman sang bata ang may pamilya na sa ikatatlo nga bana sini kag nagapuyo sa siyudad sang Sipalay kag wala naman naka-contact sa ila nga mag-amay.
Pahayag sang amay, sang pre-school pa lamang ang bata masami nga ginahulam-hulam lang ang bata agud makatinir ini sa iya amay kasubong man sa iya iloy.
Apang, sang nagdako na ini wala na nakaupod ang bata sa iloy kag malaka na lang sila makacontact sa isa kag isa.
Gin-ako man sang amay nga nakaagi ini sang bisyo sa pag-usar sang marijuana apang dugay naman sini nga gin-untatan.
Sa bahin sang amay, wala ini nag-ekspektar nga maglab-ot sa amo nga sitwasyon nga magbusong ang iya bata.
Dugang pa niya, wala nakahibalo ang bata sang ila ginahimo kag wala man niya ini ginapahog ukon ginasakit.
Suno sa amay naghinulsol ini kag indi man sini gusto ang iya ginhimo.
Sa bata niya, nagapangayo ini sang pasensya kag nagahingyo nga tani mag-abot ang tion nga siya patawaron sini.
Iya man ginhingyoan ang bata sini nga maghalong perme kag magskwela sang maaayo.
Samtang, sang ginpamangkot ini kun ngaa nahimo sini nga himuslan ang iya bata, suno sa amay, siya nahidlaw lang.
Samtang, sa interview sang Bombo Radyo kay Police Major Karina Onio, deputy chief of police sang Talisay City Police Station, napasakaan na sang kaso nga rape paagi sa inquest proceedings ang amay sang 11 anyos nga bata nga nagmolestiya diri.
Suno diri, ang bata ang nakakita sang paagi nga makacontact sa iya iloy kag amo nga nanugid sang iya sitwasyon, nagpangayo sang bulig ang iloy sa ila sa kapulisan kag gilayon nga na-aresto ang amay.
Dugang pa niya, igapaidalom sa counseling ang bata kag sa karun yara na sa kustodiya sang iya iloy.
