Ginpahayag sang amay ni Nicus Balagosa nga amat amat na nga serbehan sang nadakpan nga suspek sa kaso nga rape ang ginhimo nga krimen, nga nagresulta sa pagpatay sa iya bata.
Ini ang kasunod sang pagkadakop sa isa sa mga gina-alegar nga nagrape sa dalagita nga ginapatihan rason sa kamatayon sang anak sini.
Sa interview sang Bombo Radyo Bacolod kay Eric Balagosa, amat na amat na nga serbehan ni alyas Paulo ang sala nga ginhimo sang mga ini kasunod sang natabo sa ila anak.
Suno sa amay nga Balagosa, indi man ini makahambal nga malipay ukon masubuan ini apang ang mahambal lamang sini nga ang konsekwensya sang ginhimo sang mga ini ang dapat nga bayran.
Dugang pa sini nga kabay nga magsungka man ang duha ka nagpatay mismo kay Nicus.
Suno diri amat amat na nga nagagwa ang kamatuoran kag bisan ano pa nga kamatuoran ang magwa wala man gihapon sang mahimo bangud patay na ang anak sang mga ini.
Ginpahayag man sini nga sakit sagihapon para sa ila bangud wala gid sang sala ang ila nga bata kag kuntani ang naghimo sang sala ang magabayad sang ila kasal-anan indi ang ila nga anak.
Nagpangayo naman sang pasaylo sa mga ginikanan ni Nicus Balagosa ang Top 2 Most Wanted Person sa Western Visayas nga ginserbehan sang warrant of arrest kagab-i.
Suno kay Alyas Paulo, nagapangayo ini sang pasaylo sa ginkanan ni Nicus.
Suno diri, nga best friend niya si Nicus kag nahidlaw na ini diri.
Atubangon man sini ang kaso nga ginpasaka sa iya bangud nakahibalo man ini nga yara siya sa insakto.
Suno kay Alyas Paulo, bangud sa kakulba sa natabo kay Nicus nagpalagyo ini kag nagpadulong sa iya iloy sa Muntinlupa.
