-- ADVERTISEMENT --
Nasapwan nga wala na sang kabuhi ang isa ka 56-anyos nga lalaki matapos nga nahulog kag nalumos sa bubon sa Prk Mabinuligon, Brgy Taba ao, Sagay City nagligad nga Setyembre 14.
Ginkilala ang biktima kay Lorene Burgas kag residente sang amo nga barangay.
Sa interview sang Bombo Radyo Bacolod kay P/Major Albert Sy, ginpahayag sini nga gina-alegar naka-inom ang biktima bangud halin ini sa birthday party sang iya pakaisa kag wala na nakapauli.
Suno kay Sy, magasag-ob kuntani sang tubig sa bubon ang bata sini sang iya nasapwan ang iya amay nga nagalutaw-lutaw na nga wala sang kabuhi.
Wala naman sang foul play nga ginalantaw sa insidente apang plano sang pamilya Burgas nga ipaidalom sa autopsy ang bangkay sang biktima.
-- ADVERTISEMENT --
