Tuman ang kalipay ni Punong Barangay Alfredo Talimodao nga nakaangkon sila sang tsansa nga makabyahe sa Estados Unidos agud nga ishowcase ang abilidad sang MassKara dancers sa pagsaot kadungan sang Independence Day celebration.
Suno kay Talimodao, nakatravel sila sa New York kag Los Angeles.
Nakita man sini ang bunga sang pagpangabudlay sang mga dancers kun sa diin nakabakal ang isa ka dancer sang hollow blocks, bato kag balas para sa ila nga balay.
Sa pagbanta sini, indi magnubo sa 800 tubtub 1,000 US dollars ang nabaton sang mga dancers kag ila nga ginsupot bangud libre man ang ila nga pagkaon kag paglagaw bangud sa Filipino community nga nagbulig sa ila, lakip naman si Bacolod City Mayor Alfredo Benitez.
Ang Barangay Granada ang apat na ka beses nga nagchampion sa MassKara Festival.
Suno diri, siya ang proud nga home of the champions ang Barangay Granada basta mga dancers ang pagahambalan.
Bangud sini, subong pa lang gin-istorya na ni Talimodao ang ila nga choreographer nga planuhan na ang masunod nga kompetisyon kun sa diin hatagan man sang tsansa ang iban nga mga residente nga potential mangin dancer.
