Personal nga nagpadulong sa punerarya ang tiyo ni Freya Go, ang babayi nga nasapwan nga wala na sang kabuhi sa kahilamunan sa Barangay 12, Bacolod City kahapon sang hapon.
Ini matapos nga gintawgan siya sang iya pakaisa, nga utod sang amay sang biktima agud nga kumpirmahon ang identity sang nasapwan nga bangkay.
Sa interview sang Bombo Radyo Bacolod kay Eric Gonzaga, nakahibalo sila nga naga-intern ang ila hinablos sa isa ka construction company kun sa diin suksok pa sini ang uniporme sang nasapwan ang bangkay kahapon.
Suno kay Gonzaga ang biktima ang wala nakaeskwela bangud nagasunod-sunod ini sa iya amay nga pasaway man.
Suno diri wala man sang permanente nga ginatiniran ang biktima bangud ginsaylo man ini sang iya amay sa Dumaguete.
Ginpahayag man ni Gonzaga nga natumod nila ang identity sang iya hinablos bangud nagsanto ang itsura sini sa litrato nga yara sa iya nga cellphone.
Wala pa nila macontact ang amay sang biktima.
Nagapati ini nga ginhimuslan ang iya hinablos bangud ginpahayag nga nalulos na ang pang-idalom sini nga panapton.
Mabuot man ini nga bata apang may pagkapasaway man.
Nagdumdom pa ini nga matadlong na ang banas sang biktima bangud ini ang may-obra na.
Dugang pa sang tiyo nga wala sang kaluoy ang mga suspek nga naghimulos kag nagpatay sa iya lamharon pa nga hinablos.
