Bata sang doktor ang amazona ukon female member sang NPA nga napatay sa engkwentro batok sa militar sa Barangay Santol, Binalbagan, Negros Occidental sang Hulyo 6.
Suno kay 3rd ID spokesperson Capt. Kim Apitong, si Nikka Marie Ledesma Dela Cruz, 26-anyos, Alyas Chai Medelyn ang journalism graduate sa University of San Jose Recoletos Cebu.
Suno kay Apitong, maayo ang pangabuhi sang pamilya ni Dela Cruz bangud doktor ang iya ginikanan.
Si Dela Cruz ang nakaagi na trabaho sa DYSS Super Radyo GMA apang wala niya ginpadayon ang iya kontrata.
Suno sa iya mga ginikanan, nagaupod si Nikka sa Anak Bayan, Kadamay kag Gabriela kag masami nagaupod sa hublag protesta sang ini ang yara pa sa kolehiyo.
Ginapatihan nga nabrainwash si Nikka sang nasambit nga mga organisasyon.
Sang Pebrero subong nga tuig 2022, naglisensya si Nikka sa ila nga kabulig sa balay nga mapadulong sa Manila agud mag-upod sa rally apang wala na nakapauli kag indi man macontact.
Marso subong nga tuig, namonitor nga nakalab-ot na si Nikka sa Negros Island kag nagsulod sa Central Negros II sang NPA.// Siya ang napatay sa engkwentro makaligad ang apat ka bulan.
