Nagbunggo-anay ang ambulansya kag ceres bus sa interesection sa Lacson extension kag Magsaysay, sa Bacolod City kaina sang aga.
Sa interview sang Bombo Radyo kay Mykol Braña, driver sang Handumanan ambulance, naggikan ini sa Brgy Handuman matapos nga ginkuha ang pasyente nga nafracture ang tiil kag kinahanglan operahan.
Paglab-ot sa intersection sa bahin sang dalan Magsaysay kag Lacson Extension, naka-stop ang traffic light sa dalan sang ambulance apang nagpadayon sa pagbyahe ang ambulance kag amo man nga naka-go ang traffic light sang ceres bus.
Suno kay Braña, naka-una na ini gwa apang madasig ang pagpadalagan sang ceres bus.
Gintinguhaan sini nga mapaliko ang ambulansya amo nga gamay lang ang impact.
Nag-agom sang minor injury ang isa ka crew nga nagasakay sa passenger seat sang ambulansya kasubong man ang bata sang pasyente.
Samtang, nagpahayag naman ang driver sang ceres bus nga wala sini nakita ang blinker kag wala sini nabatian ang wang-wang sang ambulansya.
