Gin-anunsyar ni US President Donald Trump nga nakaangkon sila sang malapad nga trade deal sa Japan.
Suno kay Trump, nagpasugot na ang Japan nga mag-invest sang 550 billion dollars ukon kapin 31.1 trillion kag pagpanaog sang US tariff sa 15 percent.
Ang nasambit nga taripa ang mas manubo kun ikumparar sa 25 percent nga una nga ginpaandam ni Trump sa Japan.
Ginakabig ini ni Trump nga pinakadako nga trade deal sa maragtas sang Amerika kag Japan.
Ginkalipay naman ni Japanese Prime Minister Shigeru Ishiba ang nasambit nga anunsyo ni Trump kun sa diin ini na ang pinakamanubo nga taripa nga nahatag sang Amerika sa maskin ano nga pungsod.
Suno kay Ishiba, ang kasugtanan ang wala nalakip sa maskin anuman nga pagbuhin sang taripa sa bahin sang Japan.
Una na nga ginpahayag ni Trump nga ang pagpataw sang mga taripa ang mangin epektibo sa Agosto 1.
