America, tuyo nga makapatigayon sang ikaduha nga round sang negosasyon sa Iran antes matapos ang ceasefire sa Abril 21

Tinutuyo sang Amerika nga maghiwat sang ikaduha nga round sang negosasyon sa Iran antes mag-expire ang ceasefire sa Abril 21.

Suno sa isa ka source, ang mga opisyales sang administrasyon ni Trump ang nagpatigayon sang internal discussion para sa posible nga ikaduha nga personal nga pagsinapol kaupod ang mga opisyales sang Iran.

Nagapabilin man nga bukas si US President Donald Trump nga ipadayon ang in-person negotiations sa tion nga handa na ang Iran nga magsunod sa iya mga demands.

Sa karon, ginalantaw pa sang mga opisyal ang posible nga petsa kag lokasyon pananglitan magpadayon ang paghambalanay sa tunga sang Iran kag sang mga regional mediators sa masunod nga mga inadlaw.