Nagtaliwan na ang American actress nga si Shannen Doherty, sa edad 53.
Suno sa iya publicist nga si Leslie Sloane, wala na sini masarangan ang balatian sini nga breast cancer nga siyam na katuig sini nga ginpakigbatuan.
Nakilala ang actress sang ini ang nagplay sang role bilang Heather Duke sa pelikula nga “Heathers” sadtong 1989.
Humalin sang 1990 tubtob 1994, nagbida man ini sa hit series nga “Beverly Hills 90210” kag bilang si Prue Halliwell sa series nga “Charmed” humalin sang 1998 tubtob 2001.
Tuig 2015 sang ma-diagnosed siya nga may breast cancer tubtob nga naglapta na ini sa iya nga utok.
Ginbun-ag ini sa Memphis, Tennessee kag nagsaylo ang pamilya sini sa Los Angeles sang ini ang bata pa lamang.
Nag-umpisa ini nga mag-acting sa edad nga 19 kag ginkuha siya sa tv series nga “Father Murphy”.
