Nagtaliwan na ang kilala nga writer nga si L.J. Smith sa edad nga 66 anyos.
Ginkumpirmar ini sang iya partner nga si Julie Divola kag utod nga babayi nga si Judy Clifford.
Wala na sini masarangan ang pagpakigbato sa autoimmune disease kag nagtaliwan sa Walnut Creek, California.
Si Lisa Jane Smith ang ginbun-ag sadtong Setyembre 4, 1958 sa Florida kag nagdako sa California.
Nagtuon ini sang experimental psychology sa University of California, Santa Barbara kung sa diin nagtrabaho ini bilang special education kag kindergarten teacher.
Una nga nobela nga ini nga ginsulat amo ang “The Night of the Soltice” nga isa ka fantasy book nga ginhimo sadtong high school pa lamang ini.
May yara man ini sang agreemeny sa Alloy Entertainment agud isulat ang “The Vampire Diares” nga nag-umpisa sa tatlo ka libro nga ginpagwa sadtong 1991 kag ginsundan sang pang-apat sadtong 1992.
Tuig 2009 sang ginhimo nga TV series ang nasambit nga libro tubtob nga ginpadayon sadtong 2017.
Pila sa ginhimo sini nga nobela amo ang adult series nga “Dark Visions” kag “Night World” kasubong man ang “The Secret Circle”.
