American gymnast Simone Biles, nagaduhaduha pa kun magapasakop sa 2028 Los Angeles Olympics

Nagapangduha-duha pa ang American gymnast nga si Simone Biles kon makapasakop pa sa Los Angeles Olympics sa tuig 2028.

Magluwas sa iya nga edad, ginakonsiderar ni Biles ang mangin kondisyon sang iya nga lawas pag-abot sang nasambit nga tuig.

Suno sa 27 anyos nga Olympic medalist, posible nga indi na masarangan sang iya nga lawas ang mag-compete sa LA Olympics.

Isa si Biles sa mga ginakabig nga ‘greatest gymnast of all time’ kag pinaka-decorated nga gymnast sa maragtas nga may pito ka Olympic medals kag 30 ka world Championship medals.

Pahayag niya, madamo na sia sang nalab-ot kag napamatud-an gani mahimo naman niya nga itugyan sa mga mas bata nga atleta ang LA Olympics.