Isa ka American national gin-alegar ginkawatan sa ciudad sang Bacolod.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, nagapahuway ang American national nga si Isaac Stafford sa kilid sang dalan apang nagtabok ini sa isa ka hotel malapit sa capitol lagoon para magbakal.
Suno kay Tolentino, ginbilin ni Stafford ang iya mga gamit sang naglakat ini kag amo na nga natabo ang pagpangawat.
Nagpalapit ini sa security guards malapit sa hotel kag nagreklamo nga wala gid may ginhimo ang guards apisar nga nakita nila ang natabo.
Sa pagresponde sang kapulisan, kaangay nga indi sila makakuha sang klaro nga impormasyon gikan kag Stafford bangod nga hubog ini kag wala untat ang iya pag-esturya.
Ginlibot man sang kapulisan ang area kun diin ini ginkawatan samtang si Stafford ang nagakatulog naman.
Nakig-angot naman ang kapulisan ang live in partner sini sa Cauayan.
