Nagtaliwan na ang sikat nga American singer-songwriter nga si Angela Bofill sang Huwebes, Hunyo 13, 2024.
Ini ang gin-anunsyar sang iya mga abyan nga ginkumpirmar man sang manager sini.
Ginkasubo naman sang mga fans sang 70 anyos ang pagtaliwan sini.
Ang pinakauna nga studio album ni Angela amo ang ‘Angie’ sang tuig 1978.
Kag ini ginsundan sang pila ka mga album kag kanta.
Pila sa mga sikat sini nga kanta amo ang “Break It To Me Gently,” “This Time I’ll Be Sweeter,” “You Should Know By Now,” “Tonigt I Give In,” “Angel of the Night,” “I’m on Your Side,” “Let Me Be the One,” kag “I Just Wanna Stop.”
Pamilyar naman ang mga Pinoy kay Angela, nga una nga nag-concert sa Manila sang 1983 sa Philippine International Convention Center (PICC).
Kag liwat naman nga nag-concert si Angela sa Pilipinas sang Pebrero tuig 2000 sa Araneta Coliseum kaupod sanday Kenny Rankin, ang singer sang “What Matters Most”; Rex Smith, ang singer sang “Simply Jessie” kag “You Take My Breath Away”; kag si Christopher Cross, ang singer sang “Sailing.”
Nag-release man ini sang Live From Manila album sang 2006.
Ini ang pinakauna nga live-concert recording sini matapos nga ma-stroke sang Enero 10, 2006.
