Nagrally ang mga miyembro sang Amlig Tubig kag mga empleyado sang Bacolod City Water District (BACIWA) sa atubang sang balay sang miyembro sang Board of Directors nga si Mona Dia Jardin sa Barangay Felisa, ciudad sang Bacolod kaina sang aga.
Sa interview sang Bombo Radyo kay Jardin, mismo si Bacolod City Councilor Wilson Gamboa Jr. nga convenor sang Amlig Tubig ang nagpanguna sa rally sa atubang sang iya nga balay.
Bitbit sang mga nagrally ang plakards sa diin nakasulat ang mga tinaga nga nagademand sang pagbalik sang 60 ka mga empleyado nga illegal nga ginterminate sa BACIWA kag nagapakamalaot sang privatization sang water district.
Suno kay Jardin, pamersonal na ang ginahimo nanday Gamboa kag may gina-imply ukon buot ipahibalo ang pagpadulong nila sa iya nga balay.
Bangud sang rally suno sa iya, apektado ang ila nga negosyo bangud indi na makasulod ang gusto kuntani nga magkaon sa ila nga kalan-an kag indi man ini manami sa mata sang mga wala nakaintindi sa nagakatabo.
Nagbalibad naman si Jardin nga mag-atubang kanday Gamboa kundi gintawgan niya ini sang pulis nga amo ang nagsaway sa mga Nagpanugyan ini sa grupo nanday Gamboa nga sa opisina sang BACIWA mapatigayon sang rally sa baylo nga sa ila balay bangud ang iya trabaho ang ginahimo sini sa water district.
Naghingyo man sini sa sin-o man nga nagaupod sa rally nga wala lang kuntani sang personalay bangud ginahimo lang sini ang iya obligasyon bilang miyembro sang Board of Directors.
Aminado ini nga wala niya ginlauman nga maabot ang rally sa atubang sang ila balay bangud wala niya ini gina-expect sa mga personalidad nga nag-upod diri.
