Gin-athag sang alkalde sa ciudad sang Cadiz nga yara sa paghinakop sang Local Government Unit sang nasambit nga ciudad ang amphibious dredger sang Negros Occidental Provincial Government.
Sa interview sang Bombo Radyo Bacolod kay Cadiz City Mayor Salvador “Bading” Escalante yara sa ila ang amphibious dredger kag ini ang ginpaidalom sang repair matapos nga may yara sang naguba sa lawas sini.
Suno kay Escalante, ang dredger ang ginhulam nila sa probinsya agud nga gamiton sa paghawan sang mga suba sa ciudad nga nangin silted na.
Madumduman nga sang Disyembre 2024 ginbaha ang pila ka bahin sang Cadiz City bangud ang tubig ang nagabalik bangud ang mga suba ang nagnabaw na.
Suno diri, antes pa man nga ginpa-repair sang ciudad ang dredger ginhulam man ini ang LGU sang Sagay kag Escalante City.
Dugang pa sini nga matapos naman ang repair sa madason nga bulan kag ibalik man nila ini sa provincial government.
Gin-athag man nga bisan sin-o ang makahulam sang amphibious dredger.
Ang paathag ang kasunod sang pagpahayag sang alkalde sang banwa sang Binalbagan nga wala sila ginpahulam sa pihak sang ila nga request.
