Boluntaryo nga nagsungka ang isa ka amay sa Toboso Municipal Police Station matapos nga ginluthang kag ginlabo sini ang iya kaugalingon nga bata.
Una diri, hubog nga nagpauli ang bata nga biktima nga si Orlan Andales, 29-anyos, soltero sa ila balay sa Brgy. Bug-ang, Toboso sang nagligad nga Agosto 19, kun sa diin gilayon sini nga ginsaruso ang iya amay nga si Andres kag ginhabuyan sang hollowblocks.
Bangud sini, nagsulod ang amay kag nagkuha sang sulpak kag gintiro ang iya bata kag naigo ini sa kilid apang wala man nag-untat sa paghaboy sang hollowblocks sa suspetsado rason nagbalik ini sa sulod sang balay kag nagkuha naman sang binangon kag ginlabo ini sa kamot.
Matapos ang insidente, nagpalagyo ang bata apang natukiban sang ulihi nga nagderetso ini sa Alfredo Marañon S. Memorial District Hospital sa ciudad sang Sagay agud magpabulong.
Gilayon naman nga nagsungka ang suspetsado nga amay dala ang iya sulpak.
Santo sa imbestigasyon sang Toboso Municipal Police Station sa pagpamuno ni Police Major Joery Puerto, naakig ang bata sa iya amay bangud nga gingamit sini ang iya kahoy.
