Opisyal na nga nagpungko bilang konsehal sang ciudad sang Bacolod si Pao Sy, anak sang nagtaliwan nga si anay Councilor Elmer Sy.
Sa interview sang Bombo Radyo Bacolod kay Congressman Greg Gasataya, ginpirmahan na ni Presidente Rodrigo Duterte sang February 9, 2022 ang dokyumento sang appointment sang bata nga Sy kag ginpadal-an naman ini sang kopya paagi sa Department of Interior and Local Government (DILG).
Nakasaad sa dokyumento ang pag-appoint kay Pao Sy bilang tal-os sa nagtaliwan niya nga amay.
Nahibaluan nga si Psyche Marie “Pao” Sy, nga magapadalagan bilang konsehal sa May 09, 2022 elections, ang magaserbe sang nabilin nga apat ka bulan sa termino sang nagtaliwan nga amay sini kun sa diin magatapos sa Hunyo 30.
Ginpahayag ni Gasataya nga si Councilor Pao Sy ang kinahanglan nga manumpa bilang konsehal sang syudad bangud ini ang instruction nagikan sa DILG.
Nakadepende man kay Sy kun sa diin ini magtake-oath bangud mahimo siya manumpa sa judge ukon opisyale sang barangay agud nga makompleto na sini ang requirement bilang konsehal sa syudad sang Bacolod.
Ginpahayag man ni Gasataya nga ang opisina sa nga national ang ukon ang office of the secretariat sang Nationalist People’s Coalition (NPC) ang nagforward kay Presidente Duterte sang endorsement nga si Pao Sy ang magabulos kay the late Councilor Elmer Sy.
Suno diri, may yara sang unwritten rule ang NPC nga kun magtaliwan ang isa nila ka miyembro ang immediate family member ang magabulos sa napatay.
