Nagapati ang anak sang isa sa tatlo ka mga persona nga ginaalegar gin-abduct sa Barangay Vista Alegre, Bacolod City, sang Hunyo 2 nga buhi pa ang iya iloy.
Sa interview sang Bombo Radyo Bacolod kay Trisha Antiquera, naga-amat amat nahulag ang katapo sang Bacolod City Police Station 7 agud nga masolbar ang kaso sang gina-alegar sa pag-abduct sa pag-abduct sa iya live in partner nga si Junel Nangan kag sa iya iloy nga si Loreville Antiquera kag live-in partner sang iya iloy nga si Joen Villacojer sang Hunyo 2 sang gab-i.
Suno kay Trisha, ginatsekyar na sa karun sang mga kapulisan sa station 7 ang background sang iya live in partner kag sang live-in partner sang iya iloy.
Nagapati man ini nga ang nagabalos sa iya pagcontact indi na ang live-in partner sang iloy sini bangud isa nalang ka tinaga ang ginasabat.
Nagchat man ini, nagdeliver lang apang wala ginaseen.
Suno diri ang kay Joen lang ang macontact nga cellphone apang ang iya sang live in partner sini kag ang sa iloy sini ang indi macontact.
Ginpahayag man sang bata ni Trisha nga ginlampusan sang pusil sa ulo si Joen samtang ang iloy sini kag iya live-in partner ang nagahibi samtang ginapahipos ang bata.
Suno sa bata, nakafacemask, nakakalo kag mabukod ang nagkuha sa iya iloy, ka-live in sang iloy kasubong man amay sang bata.
Nagpadulong man sa NBI si Trisha agud magpangayo sang bulig apang wala ang available nga agent.
Nagapati naman ini nga buhi pa ang gintaban nila nga himata.
Nakacoordinate naman sila sa pamunuan sang Vallacar Transit Incorporated agud nga makakuha sang CCTV footage agud nga makabulig sa imbestigasyon.
