Nagakasubo ang banwa sang EB Magalona sa pagtaliwan sang anay alkalde sang banwa nga si Atty. Reynaldo ‘Rey’ Depasucat.
Si Depasucat ang nagtaliwan sa isa ka ospital sa Bacolod kahapon bangud sa ginasuprer sini nga balatian.
Siya ang three-termer nga alkalde sang EB Magalona kag three-thermer man nga board member sang 3rd District sang Negros Occidental.
Sa statement nga ginpagwa ni Mayor Marvin Malacon, mas masubo nga napatay ang anay alkalde kadungan sang highlight sang 34th Ugyonan Festival bangud siya ang nagconceptualize kag nagsugod sang Ugyonan Festival.
Suno diri, gindedicate ni Depasucat ang iya nga oras kag talento sa patag sang public service.
Siya ang nagserbe sa EB Magalona sa sulod sang masobra 20 ka tuig – masobra 11 ka tuig bilang mayor kag siyam ka tuig bilang board member.
Siya ang una nga gin-appoint bilang OIC-Mayor sang E. B. Magalona halin June 1986 tubtub November 1987, pagkatapos sang EDSA People Power Revolution.
Ini ang ginpili bilang mayor sang E. B. Magalona sa sulod sang tatlo ka termino halin 1988 to 1998, kag nangin Board Member sang Third District sa sulod sang tatlo ka termino halin 1998 tubtub 2007.
Kasunod sang pagtaliwan sang anay alkalde, ginmandu ni Malacon ang pagbutang sang Philippine flag sa banwa sa half-staff halin Mayo 2 tubtub Mayo 4 bilang paghatag sang pagkilala kay former Mayor Rey Depasucat.
