Ginpatigayon ang labing una nga Bugana Festival sang Bago City kadungan sang selebrasyon sang 60th Charter Anniversary sang ciudad.
Sa interview sang Bombo Radyo Bacolod kay Bago City Mayor Marina “Mayette” Javellana-Yao, ini ang transition gikan sa anay Babaylan Festival.
May-ara sang anom ka clusters gikan sa 24 ka mga Barangay nga nagcompete sa Street and Arena Dance Competition.
Ang Bugana Festival ang pagkilala sa bugay sang Ginoo sa pihak sang mga gin-agyan nga mga pagtilaw sang ciudad.
Ini nagapakita man sang resilience sang mga Bagonhon, nga nagaisa sa pagbangon.
Lakip sa mga pagtilaw nga gin-atubang sang ciudad amo ang epekto sang Bulkan Kanlaon kasubong man ang halit sang Bagyo TINO, kun sa diin may tatlo ka taytay nga naguba.
Pangabay sang alkalde sa mga pumuluyo ang kooperasyon para sa better and brighter Bago City.
