Ginpahayag sang alkalde sang ciudad sang Bacolod nga tutukan ni Executive Assistant to the Mayor Mona Dia Jardin ang special programs kag environmental concerns.
Madumduman, gin-appoint ni Bacolod City Mayor Greg Gasataya si anay Liga ng mga Barangay President Mona Dia Jardin bilang isa sa iya mga Executive Assistant sa City Mayor’s Office, epektibo Setyembre 15, 2026.
Antes sini, nagserbe si Jardin bilang Punong Barangay sang Barangay Felisa sa sulod sang anum ka tuig kag napili bilang President sang Liga ng mga Barangay of Bacolod City halin 2010 tubtob 2013.
Nagserbe man siya bilang miyembro sang Board of Directors sang Bacolod City Water District (BACIWA) kag sang ulihi nangin General Manager sang water utility.
Sa interview kay Mayor Greg Gasataya, sang nagligad nga semana gindiskusyunan nila appointment ni Jardin kag ginpakamaayo man ini bangud nga nakita man nga madamo siya sang mabulig sa paghatag sang serbisyo sa ciudad sang Bacolod.
Suno kay Gasataya, si Jardin ang maga-assists sa ciudad ilabi na sa concerns sa Barangay Felisa kun sa diin nahamtang ang sanitary landfill bangud madamo pa sang kinahanglan nga ubrahon.
Dugang pa sang alkalde nga may yara pa sila sang mga ginpangtumod nga programs nga makabulig si Jardin.
Gin-ako naman ni Jardin nga personal siya naghingyo kay Mayor Greg kun may yara sang bakante nga posisyon sa ciudad nga nagakinahanglan sang bulig sini antes ang iya appointment.
Sa interview sang Bombo Radyo Bacolod kay Jardin, antes ang appointment sini nagatutok siya sa iya nga Negosyo apang bangud nagapanalaytay ang pagserbisyo sa iya nga systema ginhidlaw ini gani sang nagkitaay sila sang alkalde sang ciudad nag-ayo siya kun may bakante nga posisyon nga kinahanglan ang iya nga bulig.
Ginpahayag man sini nga sa iya madumduman ang memorable nga iya nahimo sa iya pagserbisyo sa publiko amo ang pagpangaway sa Baciwa personnel matapos ang pagbutang sang madamo nga pumping stations sa Barangay Felisa sang siya pa sadto ang Punong Barangay.
Suno kay Jardin, nagapasalamat siya sa pagsalig ni Mayor Gasataya kun sa diin appoint siya sa nasambit nga posisyon nga nangin epektibo sang September 15.
Suno diri, kilala niya ang iya kaugalingon kag nakahibalo siya kun paano magtrabaho.
Si Jardin, nagserbe bilang Punong Barangay sang Barangay Felisa sa sulod sang anum ka tuig kag napili bilang President sang Liga ng mga Barangay of Bacolod City halin 2010 tubtob 2013.
Nagserbe man siya bilang miyembro sang Board of Directors sang Bacolod City Water District (BACIWA) kag sang ulihi nangin General Manager sang water utility.
