Ginkumpirmar sang anay bodyguard-driver ni anay President Rodrigo Roa Duterte nga “Superman” ang call sign sang anay alkalde sang Davao City.
Ang ginapahayag sang retirado nga pulis nga si Sanson Buenaventura ang pagkumpirmar sa mga nangin pahayag sang pila ka mga personalidad kaangay sang mga anay miyembro sang ginakagadlukan nga Davao Death Squad (DDS)
Si Buenaventura, nga nangin bodyguard kag driver ni Duterte sumugod 1988 tubtob 2008, ang ginpamangkot ni Batangas 2nd District Rep. Gerville “Jinky Bitrics” Luistro sa pagtambong sini sa pagsinapol sang Quad Committee sang kamara de Representantes sadtong Huwebes.
Suno kay Buenaventura nga Superman ang tawag kay Duterte sang pila ka grupo sa Davao City.
Sang gin-usisa ni Luistro ginpahayag ni Buenaventura nga wala ini sang nahibaluan sa ginapahayag nga DDS kag ang media lamang ang naghimo sini.
Ginpahanumdum naman ni Luistro ang nangin pahayag ni Duterte sa pagsinapol sang Senado kung sa diin ginsiling sini nga may yara sang DDS.// Sa pagpamangkot ni Luistro, gin-ako ni Buenaventura nga loyal ini kay Duterte.
Nahibaluan nga ang pangalan ni Buenaventura pila ka beses nga natuad sa mga testimonya sang nagkalain-lain nga personalidad nga nagpahayag may kaangtanan sang DDS.
