Padayon pa ang imbestigasyon sang mga otoridad tuhoy sa motibo sa pagluthang patay sa isa ka anay purok president kag CAFGU sa Purok Escalante, Brgy. Camindangan, ciudad sang Sipalay.
Sa interview sang Bombo Radyo kay Police Major James Latayon, hepe sang Sipalay City Police Station, nagaarado ang biktima nga si Romeo Alberio, 48 anyos, residente sang Purok Calamunding, Brgy. Gatuslao, banwa sang Candoni sa iya nga humayan sang ginpalapitan ini sang pila ka mga persona kag ginluthang sang makapila ka beses.
Nakaagum ini sang nga pilas sa nagkalain-lain nga bahin sang iya lawas ilabi na sa ulo nga gintunaan sang iya kamatayon.
Suno kay Latayon, may mga pagpamahog nga nabaton si Alberio suno sa iya pamilya apang wala pa nahibaluan kun diin ini naghalin.
