Dakop ang anay caretaker sang game farm sa syudad sang Talisay matapos magpangawat kahapon.
Sa interview sang Bombo Radyo Bacolod kay Police Senior Master Sergeant Reginaldo Suelto – Duty Investigator sang Talisay City Police Station, ginpahayag sini nga ang game farm ang ginapanag-iyahan ni Ely Jimenez samtang ang nagpangawat ang ginkilala kay Rolando Arellano, 44 anyos kag residente sang Barangay Zone 5, Talisay City.
Ginsulod ni Arellano ang payag sang farm nga ginabutangan sang bulong sang mga inugbulang nga manok kag mga feeds samtang may dala nga espading.
Natigayon sini makuha ang 13 ka mga monga nga manok kag mga bulong.
Nagdangat sa kapin P80, 000 ang nakuha nga mga pagkabutang sang kawatan.
Personal naman nga nagpadulong si Jimenez sa Talisay City Police Station agud nga ireport nga ginsulod sang anay care taker ang farm sini.
Nagpatigayon man sang hot pursuit operations ang nasambit nga police station kag natigayon nga maaresti si Arellano.
Nakahunong na ini sa Talisay City Police Station kag magapangatubang sang kaso nga robbery.
