Gindala direkta sa National Bureau of Investigation (NBI) office sa Pasay City si former Negros Oriental Representative Arnulfo “Arnie” Teves, Jr. nagikan sa Villamor Air Base sang Huwebes sang gab-i matapos ang iya deportation nagikan sa Timor-Leste kun sa diin siya ang nagrequest sang asylum.
Sa isa ka video kag litrato nagikan sa NBI, makit-an nga si Teves ang nagpaidalum sa isa ka booking procedure kag medical examination.
Siya ang magatinir bilog nga gab-i sa NBI.
Nag-apas man sa opisina sang NBI ang iya legal counsel nga si Ferdinand Topacio kag ang iloy ni Teves.
Una na nga ginpahayag ni Topacio nga wala ini ginpahanugutan nga makigkita sa iya kliyente sang nag-abot ini sa Villamor Air Base.
Ang anay mamalidha ang nagapangatubang sa karun sang murder, frustrated murder kag attempted murder nga mag kaso bangud sa ginaalegar nga pagpatay kay Degamo kag napulo ka iban pa sang Marso 4, 2023.
