Ginakalipay ni anay Congressman kag anay Bacolod City Mayor Monico Puentevalla ang pagkadismiss sang tanan nga criminal and administrative charges batok sa iya kag sa tatlo ka iban pa nga ginaalegar may kaangtanan sa mga iregularidad sa procurement sang isa ka 61-seater bus kun sa diin ang engine ang isa ka 1994 model imbes kuntani nga bag-o.
Ini na ang ikawalo nga kaso nga ginfile batok kay Puentevella nga nadismissed.
Ang nasambit nga desisyon ang gin-aprubahan ni Ombudsman Samuel Martires sang Disyembre 2, 2021.
Ang complaint ang ginfile naman sanday Samuel Montoyo; Jerome Solinap, General Services Officer kag chairman sang Bids and Awards Committee; Josephus Cerna, assistant City Engineer kag miyermbro sang Techincal Working Group; kag Harry James Magbanua, isa ka maintenance foreman.
Gindayaw ni Puentevella ang Ginoo bangud sa pagkadismiss sang iya kaso kag ginpahayag nga ini ang maathag nga propaganda agud siya ang perdihon ni anay Mayor Evelio “Bing” Leonardia sang tinalikdan nga Eleksyon.
Suno sa iya, sa katapusan ang kamatuoran sa gihapon ang magaprevail.
Gin-abisuhan man sini si Leonardia nga indi na maghagay panggamo kag i-enjoy na lamang ang iya retirement bangud ang kabuhi ang weather-weather lang kag natapos na ang iya tion.
