Nagpanawagan si Engr. Angelito Mendoza, ang anay contractor kag quarry operator nga ginluthang sa Sta Catalina, Negros Oriental sang Agosto 27 nga ma-imbestigahan sa Senate inquiry ang iya kaso.
Sa video, nagpakilala ini nga isa siya ka contractor nga may yara sang gina-operate nga duha ka quarry.
Ginpahayag man sini sa video nga naganapawagan siya kay Senator Rodante Marcoleta, chairman sang Senate Blue Ribbon Committee, nga mabuligan ini kag maimbestigahan sa Senate inquiry ang natabo nga pagtiro sa iya sang tinalikdan agud nga madakpan ang may kahimuan sang krimen.
Dugang pa sini nga dapat man mahibaluan ang korapsyon sa probinsya sang Negros Oriental.
Ginpahayag man ni Mendoza sa video nga isa siya sa witness sa kaso nga ginpasaka ni Kitty Torres batok sa ila gobernador nga si Governor Chaco Sagarbarria kag mga tinawo sini may kaangtanan sa kurapsyon, extortion kag oppression.
Gina-alegar man sini nga masobra naman sa tatlo katuig nga gina-ipit ang mga ini.
Antes pa man natabo ang pagpaniro sa iya nakafile na ini sang kaso sa NBI Manila kag Ombudsman Visayas.
Dugang pa sini, nagapangayo man siya sang bulig nga mahatagan sang solusyon ang problema sini nga gina-override sang dako nga quarry operator ang iya nga quarry bisan wala sang Environmental Compliance Certificate (ECC) kag area clearance.
