Hugot nga ginpanginwala ni former Department of Public Works and Highways (DPWH) Secretary Manuel Bonoan nga indi ini imbolbado sa nadiskubre nga mga anomaliya sa flood control projects.
Suno kay Bonoan, wala ini sang kahilabtanan sa mga iregularidad sa ahensya.
Suno sa iya, ang rason sang iya pagbiya sa pwesto ang para sa transparency kag accountability kun sa diin gina-imbestigahan sa karun ang mga nadiskubre nga mga ghost kag substandard nga mga flood control projects.
Una na nga ginpahayag ni President Ferdinand Marcos Jr. nga command responsibility ang rason sa pagbiya sa pwesto ni Bonoan.
Nagtambong si Bonoan subong nga adlaw sa hearing sang House Infra Committee nga naga-imbestigar in aid of legislation sa mga maanomaliya nga infrastructure projects.
